Ermənistanın hava məkanından istifadə etmirik
21sen
GÜNDƏM / HAVAYOLLARI

Ermənistanın hava məkanından istifadə etmirik - AZAL

"AIR NOSTRUM" aviaşirkətinin Yerevan-Aktau istiqaməti üzrə reysi Ermənistanın hava məkanı vasitəsilə Beynəlxalq Mülki Aviasiya Təşkilatı (ICAO) tərəfindən təsdiq edilmiş və uzun müddət ərzində istifadə olunan hava yolu ilə həyata keçirilib.
 
Bu barədə "HolidayNEWS"-a "Azərbaycan Hava Yolları" QSC-dən (AZAL) məlumat verilib.
 
Qeyd edilib ki, Azərbaycanın hava məkanı vasitəsilə də xarici aviaşirkətlər tərəfindən Ermənistan hava limanlarına / limanlarından ICAO tərəfindən təsdiq edilmiş beynəlxalq hava yolları ilə uçuşlar həyata keçirilir.
 
"Yəni Azərbaycanın hava məkanı vasitəsilə Ermənistanın hava limanlarına uçuşlar icra etmək üçün kommersiya aviasiyasının uçuşlarına məhdudiyyət yoxdur", - AZAL-dan bildirilib.
 
Bundan əlavə, Azərbaycan və Ermənistan arasında münaqişə səbəbindən və qarşılıqlı maliyyə hesabatının mövcud olmaması ilə əlaqədar AZAL aviaşirkəti Ermənistanın hava məkanından keçən beynəlxalq hava yolları ilə uçuşlar yerinə yetirmir.
 
Xatırladaq ki, "Flight Radar" resursunun məlumatına görə, 20 sentyabr tarixində "AIR NOSTRUM"a məxsus sərnişin təyyarəsi Ermənistanın hava məkanı vasitəsilə Yerevan-Aktau uçuş yerinə yetirib.


HolidayNEWS

Qalereya