Azərbaycanın qarşılıqlı turizm dövriyyəsi 500 milyon dollara yaxınlaşıb
09dek
GÜNDƏM / SƏYAHƏT / HAVAYOLLARI / OTELLƏR / MARAQLI / AGENTLƏR

Azərbaycanın qarşılıqlı turizm dövriyyəsi 500 milyon dollara yaxınlaşıb

Bu ilin yanvar-sentyabr aylarında Azərbaycanın qarşılıqlı turizm xidmətlərinin dövriyyəsi 23,1 % azalaraq 491,1 milyon ABŞ dolları təşkil edib.

"HolidayNEWS" bu barədə Azərbaycan Mərkəzi Bankına istinadən xəbər verir.
Hesabat dövründə turizm xidmətləri üzrə idxalın (367,4milyon ABŞ dolları) ixracı (123,7milyon ABŞ dolları) üstələməsi nəticəsində 243,7 milyon ABŞ dolları həcmində kəsir yaranıb. Bu dövrdə xaricə səfər edən Azərbaycan vətəndaşlarının sayı 24,7 %, Azərbaycana gələn xarici vətəndaşların sayı isə 38,2 % azalıb.
Xarici ölkələr tərəfindən Azərbaycan rezidentlərinə turizmlə bağlı göstərilən xidmətlərin həcmi 367,4milyon ABŞ dolları olub. Bunun 88,5 %-i Azərbaycan vətəndaşlarının şəxsi səfərləri ilə bağlı olub (məkik idxal üçün vəsaitlər istisna olmaqla).
Yanvar-sentyabr qeyri-neft sektoru üzrə qeyri-rezidentlərə göstərilən tikinti xidmətlərinin həcmi 3,4 dəfə azalaraq 6milyon ABŞ dolları təşkil edib. Qeyri-neft sektoru üzrə qeyri-rezidentlərə ödənilən digər işgüzar xidmətlərin həcmi isə 37,3 % artaraq 668 milyon ABŞ dolları olub.



HolidayNEWS