Regionlarda yerləşən idman kompleksləri turizm obyekti kimi də fəaliyyət göstərə bilər
16noy
GÜNDƏM

Regionlarda yerləşən idman kompleksləri turizm obyekti kimi də fəaliyyət göstərə bilər

Azərbaycanın regionlarda yerləşən idman kompleksləri, burada mövcud olan hotel, kotec, hostel tipli obyeklər və yaradılan infrastruktur turizm obyekti kimi də fəaliyyət göstərə bilər.
"HolidayNEWS" xəbər verir ki, bu məsələlər gənclər və idman naziri Fərid Qayıbovla Azərbaycan Turizm Agentlikləri Assosiasiyasının İdarə Heyətinin sədri Göydəniz Qəhrəmanov arasında keçirilən görüşdə müzakirə olunub.
Görüşdə turizm sahəsində əlaqələrin inkişafı və qarşılıqlı əməkdaşlıq imkanlarının genişləndirilməsi məsələləri də əss müzakirə mövzusu olub.
Tədbirdə çıxış edən F. Qayıbov nazirliyin tabeliyində olan şimal, cənub, şərq və qərb regionlarında fəaliyyət göstərən idman kompleksləri, burada mövcud olan hotel, kotec, hostel tipli obyeklər və yaradılan infrastruktur haqqında məlumat verib. Nazir regionlardakı bir sıra komplekslərin ərazisində mövcud olan yerləşdirmə obyeklərində təmir-bərpa və infrastruktur işlərinin aparıldığını da qeyd edib.
Müzakirələr zamanı G. Qəhrəmanov Assosiasiyanın fəaliyyəti haqqında məlumat verərək qurumun dövlət-özəl sektor arasında qarşılıqlı işbirliyinin qurulmasında və tərəfdaşlıq əlaqələrinin artırılmasında maraqlı olduğunu bildirib.
Assosiasiya sədri regionlarda yerləşən komplekslərin turistlərin yerləşdirilməsi baxımından potensialını yüksək qiymətləndirərək bu istiqamətdə birgə fəaliyyətin regional turizmin inkişafına töhvə verəcəyini qeyd edib.
Görüş çərçivəsində tərəfdaşlıq əlaqələrinin gücləndirilməsi, kommunikasiya əlaqələrinin genişləndirilməsi, ölkədə keçirilən beynəlxalq idman tədbirlərinin təşkilində birgə əməkdaşlıq, təcrübə mübadiləsinin aparılması və digər məsələlər ətrafında fikir mübadiləsi aparılıb.



HolidayNEWS

Qalereya