Cənub turizm dəhlizi üzrə Lənkəran-Astara regional xəritəsi hazırlanıb
11yan
GÜNDƏM / SƏYAHƏT

Cənub turizm dəhlizi üzrə Lənkəran-Astara regional xəritəsi hazırlanıb

Dövlət Turizm Agentliyi və Azərbaycan Turizm Bürosu tərəfindən turizm imkanlarının təbliğ edilməsi, həmçinin turistlər üçün turizm məkanlarının əlçatanlığının təmini məqsədilə Cənub turizm dəhlizi üzrə Lənkəran-Astara regional xəritəsi dərc olunub.


Bu barədə "HolidayNEWS"a DTA-dan məlumat verilib.

Həmçinin Lənkəran şəhər turist xəritəsi, “Cənub regionunda 10 əsas təbiət təcrübələri” və “Lənkəranda 10 əsas turizm fəaliyyəti” adlı broşürlər çap edilib.

Bundan öncə isə Şimal və Şimal-qərb turizm dəhlizlərini əhatə edən regional xəritələr nəşr olunub.

Şimal turizm dəhlizi üzrə Quba və Qusar şəhərlərinin turist xəritələri, “Qubada 10 gəzməli-görməli yer”, “Qusarda 10 əsas gəzməli-görməli yer”, “Şimal regionunda əsas təbiət təcrübələri” adlı broşürlər nəşr edilib.

Qeyd olunan xəritə və broşürlər müvafiq olaraq regionlarda fəaliyyət göstərən mehmanxanalara, turizm informasiya mərkəzlərinə və aidiyyəti qurumlara paylanılıb.

Şimal-qərb turizm dəhlizi üzrə Şəki və Zaqatala şəhərlərinin turist xəritələri və Şəki sənətkarlarının xəritəsi ərsəyə gətirilib. Şimal-qərb regionunda Şəki, Zaqatala, Balakən və Qax rayonların əsas turizm təcrübələrini özündə əks etdirən “Şimal-qərbdə 10 gəzməli-görməli yer” və “Şimal-qərbdə əsas turizm təcrübələri” adlı broşürlər hazırlanıb.


HolidayNEWS

Qalereya